ბაიერნის სამეთვალყურეო საბჭოს წევრმა ული ჰიონესმა ჩემპიონთა ლიგის 1/2 ფინალური ეტაპის განმეორებითი მატჩის წინ მედიასთან საინტერესო კომენტარი გააკეთა.
"პარი სენ-ჟერმენი ძალიან ძლიერი გუნდია და ეს პირველ მატჩშიც დავინახეთ. განმეორებითი შეხვედრის წინ რა თქმა უნდა იმედიანად ვართ და გვჯერა, რომ ფინალში ჩვენ გავალთ.
რომელ ფეხბურთელს დავიმატებდი პარი სენ-ჟერმენიდან? აუცილებლად აშრაფ ჰაკიმის. ვფიქრობ, ჩვენს გუნდს იდეალურად მოერგებოდა."
შეგახსენებთ, ბაიერნი vs პარი სენ-ჟერმენის განმეორებითი მატჩი ხვალ, 6 მაისს, თბილისის დროით 23:00 საათზე გაიმართება.
