ანტონიო კასანო ცნობილია ხმაურიანი გამონათქვამებით და ცოტა ხნის წინ, მან მორიგი მსგავსი განცხადება გააკეთა. სკანდალურ თავდამსხმელს მიაჩნია, რომ ის რობერტო ბაჯოზე დიდი მოთამაშეა. იტალიელი ექს-ფორვარდის თქმით, მისმა თანამემამულემ კარგად მხოლოდ 1994 წლის მუნდიალზე ითამაშა.
"მე თუ ბაჯო? მე, რადგან ჩემგან განსხვავებით, მან კარგად ითამაშა მხოლოდ ერთ ტურნირზე - 1994 წლის მსოფლიო ჩემპიონატზე. იმ მუნდიალის შემდეგ, რობის არაფრისთვის მიუღწევია. დიახ, მას ჰქონდა წარმატებული კარიერა იუვეში, მაგრამ ეს იმ დრომდე, სანამ დელ პიერო არ გაიზრდებოდა.
ცუდი არც ბოლონიასა და ბრეშაში ყოფილა, თუმცა მილანსა და ინტერში, არაფერი განსაკუთრებული. გოლებიც ჩემზე მეტი გაიტანა, თუმცა როდესაც ვსაუბრობთ დიდებულ მოთამაშეზე, მე ჩემი თავი უფრო მახსენდება", - განაცხადა მადრიდის რეალის ექს-ფორვარდმა.
