მილანის ინტერის პრეზიდენტმა, ჯუზეპე მაროტამ ალესანდრო ბასტონის მომავლის თაობაზე ისაუბრა. შეგახსენებთ, რომ ახალგაზრდა ცენტრალური მცველის სახელს უკავშირებენ ბარსელონას, მაგრამ იტალიელი ფუნქციონერის თქმით, "ნერაძურის" უკანახაზელი კლუბს არ გამოიცვლის.
"დარჩება თუ არა ბასტონი ინტერში? ვფიქრობ, კი. ჩვენი პრინციპები ფეხბურთელების გაყიდვას არ ეფუძნება. თუ გუნდის წევრს თავად უნდა წასვლა, ეს უკვე სულ სხვა საკითხია. ალესანდროს არასდროს გამოუჩენია მილანური კლუბის დატოვების სურვილი. ის ბედნიერია, ჩვენ კი გაყიდვის საჭიროებას ვერ ვხედავთ.
იტალიელი მცველი "ნერაძურისთვის" ისეთივე ფუნდამენტური ფეხბურთელია, როგორიც ლაუტარო ან ბარელა. ისინი წარმოადგენენ გუნდის ჩონჩხს და ცხადია, ასეთი მოთამაშეების გაყიდვა პრიორიტეტი ვერ იქნება. მათი დახმარებით ახალგაზრდები მოგების კულტურას ეჩვევიან", - განაცხადა ჯუზეპე მეაცას მკვიდრთა პრეზიდენტმა.
