თუმცა ერთი კომპონენტი, რაშიც კვარაცხელიას ერთ-ერთი საუკეთესო შედეგი აქვს დაფიქსირებული, დრიბლინგებია.
აღსანიშნავია, რომ კვარა საუკეთესო დრიბლიორებს შორის გამორჩეულია სერია ა-შიც, ჩემპიონთა ლიგაზეც და ევროპის ჩემპიონატის შესარჩევ ეტაპზეც.
სერია ა-ს სეზონის საუკეთესო დრიბლიორები:
მატიას სულე (ფროსინონე) - 101 დრიბლინგი
ხვიჩა კვარაცხელია (ნაპოლი) - 99 დრიბლინგი
რაფაელ ლეაო (მილანი) - 77 დრიბლინგი
არმან ლორიანტე (სასუოლო) - 63 დრიბლინგი
მატია ძაკანი (ლაციო) - 55 დრიბლინგი
ჩემპიონთა ლიგის გასულ სეზონში კვარაცხელიამ ნაპოლის მაისურით მხოლოდ ერთი საგოლე გადაცემა გააკეთა, თუმცა გამორჩეულ "მომტყუებლებს" შორის მაინც მოხვდა.
ამ ტურნირზე ნაპოლი ასპარეზობას 1/8-ფინალური ეტაპიდან გამოეთიშა, როცა ბარსელონასთან დამარცხდა.
ჩემპიონთა ლიგის სეზონის საუკეთესო დრიბლიორები:
კილიან მბაპე (პსჟ ამ.რეალი) - 82 დრიბლინგი
ვინისიუს ჯუნიორი (რეალი) - 80 დრიბლინგი
ოსმან დემბელე (პსჟ) - 55 დრიბლინგი
ხვიჩა კვარაცხელია (ნაპოლი) - 53 დრიბლინგი
ჯამალ მუსიალა (ბაიერნი) - 53 დრიბლინგი
ევროპის ჩემპიონატის საკვალიფიკაციო ეტაპი საქართველოს ნაკრებმა წარუმატებლად ჩაატარა, მხოლოდ 8 ქულა დააგროვა და ჯგუფიდან ვერ გავიდა. კვარამ 4 გოლი გაიტანა და ერთი საგოლე გადაცემა მიითვალა.
სამაგიეროდ, საქართველოს ნაკრებმა წარმატებით იასპარეზა ევროპის ჩემპიონატის ფლეიოფში. ნახევარფინალში ლუქსემბურგი დავამარცხეთ, ფინალში საბერძნეთი და ამ ტურნირის ფინალურ ეტაპზე ისტორიაში პირველად გავედით.
ევროპის ჩემპიონატის საკვალიფიკაციო ეტაპის საუკეთესო დრიბლიორები:
ჯერემი დოკუ (ბელგია) - 44 დრიბლინგი
ხვიჩა კვარაცხელია (საქართველო) - 38 დრიბლინგი
ჟოაო კანსელო (პორტუგალია) - 27 დრიბლინგი
ევროპის ჩემპიონატი სტარტს 14 ივნისს აიღებს, საქართველოს ნაკრები ჯგუფში თურქეთის, ჩეხეთისა და პორტუგალიის ნაკრებებთან ერთადაა და პირველ მატჩს 18 ივნისს გამართავს. ტურნირის ბოლოს ევრო 2024-ის საუკეთესო დრიბლიორების სიაც გამოქვეყნდება და კვარაცხელიას გვარს ამ სიაშიც ამოვიკითხავთ.
