ამხანაგური მატჩის შემდეგ, რომელიც საქართველოს ნაკრებმა რუმინეთის წინააღმდეგ გამართა და ფრედ 1:1 ითამაშა, კომენტარი საქართველოს ნაკრების თავკაცმა ვილი სანიოლმა გააკეთა.
"გამოჩნდა, რომ საქართველოს ნაკრებს ხარისხის მხრივ პროგრესი აქვს. ვთვლი, რომ ეს ბოლო შეკრებების საუკეთესო თამაში იყო, ბევრი ახალი სახე გვყავს, რომელთა თამაშითაც კმაყოფილი ვარ.
იეგოიანმა ისე ითამაშა, თითქოს მას დებიუტი არ ჰქონდა და დიდი ხანია ჩვენთანაა. მას ნიდერლანდული სკოლა ეტყობა და ჩვენთვის საჭირო მოთამაშეა.
ვინ შეცვლის ნაკრებში კაშიას? - ბოლო წლებში, საქართველოს ნაკრებიდან ბევრი ცენტრალური მცველი წავიდა და მოხდა დიდი ცვლილებები. ჩვენთვის მთავარი ისაა, რომ კლუბებში სათამაშო დრო ჰქონდეთ. ყველას უნდა დავაკვირდეთ და ამის შემდეგ მივიღოთ გადაწყვეტილება, ვინ შეძლებს კაშიას შეცვლას", - განაცხადა სანიოლმა.
შეგახსენებთ, რომ საქართველოს ნაკრებო მომდევნო ამხანაგურ მატჩს 5 ივნისს, ბაჰრეინის წინააღმდეგ გამართავს.
