ეროვნული ლიგის 21-ე ტურში გამართული შეხვედრა წყალტუბოს სამგურალსა და დინამო ბათუმს შორის უხვგოლიანი გამოდგა, თუმცა მხოლოდ ერთი გუნდის მხრიდან.
ბათუმელებმა უპირატესობა თავიდანვე მოიპოვეს და მეტოქე უშანსოდ დაამარცხეს. 21-ე წუთზე ანგარიში ავოკე ეშეტიემ გახსნა, 36-ე წუთზე წულუკიძის შორეულ გასროლას იმერლებმა ვერაფერი მოუხერხეს.
მე-40 წუთზე მანდრიჩენკომ ბათუმის უპირატესობა კიდევ უფრო გაზარდა, 62-ე წუთზე კი მარამ მატჩს საბოლოო წერტილი დაუსვა და დინამოელებს 4:0 მოაგებინა.
ამ გამარჯვებით დინამო ბათუმმა 31 ქულა დააგროვა და ლიდერებს შორის გაერია. ლიდერ რუსთავთან სხვოაბა 7 ქულაა.
