პირველ ნახევარში უპირატესობას მასპინძლები ფლობდნენ და 2 გოლიც გაიტანეს, ერთი კი გაუშვეს. მეორე ტაიმის სტარტზე სტუმრებმა ანგარიში გაათანაბრეს.
74-ე წუთზე დარმშტადტი წინაც გავიდა, მაგრამ კარლსრუემ მალევე გაათანაბრა და თამაში 3:3 დაასრულა.
ძირითად შემადგენლობაში იყო მასპინძელთა ქართველი ფორვარდი ბუდუ ზივზივაძე. მიუხედავად იმისა, რომ ბუდუს დღეს გოლი არ გაუტანია, ბევრი იმუშავა, ორთაბრძოლები მოიგო და ერთ-ერთი ყველაზე მაღალი შეფასება დაიმსახურა.
8 ტურის შემდეგ კარლსრუეს 16 ქულა აქვს და ლიდერთა შორისაა. ზივზივაძის ანგარიშზე 6 გოლი და 2 საგოლე გადაცემაა.
