ფორმულა 1-ის 2025 წლის სეზონის მე-18 გრან პრის სინგაპურის საქალაქო ტრასამ უმასპინძლა, სადაც გამარჯვება ჯორჯ რასელმა მოიპოვა.
მერსედესის ბრიტანელმა პილოტმა სტარტი პოულიდან აიღო, პოზიციები შეინარჩუნა და ფორმულა 1-ის კარიერაში მე-5 გამარჯვება გაიფორმა.
სინგაპურის გრან პრიზე მეორე ადგილი მოქმედმა ჩემპიონმა, მაქს ვერსტაპენმა დაიკავა, ხოლო მესამეზე მაკლარენის ბრიტანელი მრბოლელი, ლანდო ნორისი გავიდა.
George never looked back! 🙌
— Formula 1 (@F1) October 5, 2025
Here's your points-finishers from the Singapore Grand Prix 📈#F1 #SingaporeGP pic.twitter.com/ZWENfzdvHo
აღნიშნულ გრან პრიზე მოპოვებული ქულების შემდეგ, მაკლარენი 2025 წლის კონსტრუქტორთა თასის გამარჯვებული ოფიციალურად გახდა — ბრიტანულ გუნდს 650 ქულა აქვს და დარჩენილ 6 რბოლაში ვერავინ დაეწევა.
2025 წლის ფორმულა 1-ის შემდეგი, რიგით მე-19 გრან პრი აშშ-ში, ამერიკის ავტოდრომზე 19 ოქტომბერს გაიმართება.
