ჰერმანო როდრიგესის სახელობის ავტოდრომზე მეორე ადგილი მაკლარენის ბრიტანელმა მრბოლელმა, ლანდო ნორისმა დაიკავა, ხოლო მესამეზე საინსის მონეგასკი თანაგუნდელი, შარლ ლეკლერი გავიდა.
აღსანიშნავია, რომ მოქმედმა ჩემპიონმა, მაქს ვერსტაპენმა ნორისთან ორთაბრძოლის დროს 20 წამიანი ჯარიმა მიიღო და საბოლოოდ რბოლა მე-6 ადგილზე დაასრულა, ხოლო სერხიო პერესი მე-17 პოზიციას დასჯერდა.
მექსიკის გრან პრის შედეგები:
სეზონის დასრულებამდე 4 რბოლით ადრე, სატურნირო ცხრილს 362 ქულით ვერსტაპენი ლიდერობს, რომელიც მეორე ადგილზე მყოფ ნორისს მხოლოდ 47 ქულით უსწრებს. მესამე ადგილს კი 291 ქულით ლეკლერი იკავებს.
დაძაბული მდგომარეობაა კონსტრუქტორთა დავაშიც, სადაც პირველ ადგილზე 566 ქულით მაკლარენი იმყოფება, ხოლო მეორე პოზიციას 537 ქულით ფერარი იკავებს. მოქმედ ჩემპიონს, რედ ბულს კი 512 ქულა აქვს და მესამე ადგილზეა.
ფორმულა 1-ის წლევანდელი სეზონის მომდევნო, რიგით 21-ე გრან პრი ზუსტად ერთ კვირაში, 3 ნოემბერს, ბრაზილიაში, ინტერლაგოსის ტრასაზე გაიმართება.
