მოახლოებულ ევროპის ჩემპიონატზე მონაწილეობას მიიღებს 26 ისეთი ფეხბურთელი, რომელიც ძველ კონტინეტზე არ თამაშობს. პირველ რიგში გვახსენდება ალ-ნასრის კაპიტანი, კრიშტიანუ რონალდუ, ასევე საუდის არაბეთში არიან ნ'გოლო კანტე, მარსელო ბროზოვიჩი, ჯინი ვეინალდუმი და სხვები. ევროპის ფარგლებს გარეთ მოთამაშე ფეხბურთელები საქართველოს ეროვნულ გუნდსაც ჰყავს. გავიხსენოთ თითოეული მათგანი.
ალბანეთი - იასირ ასანი (ქუანჟუ)
ბელგია - იანიკ ფერეირა კარასკო (ალ-შაბაბი)
ხორვატია - მარსელო ბროზოვიჩი (ალ-ნასრი)
საფრანგეთი - ნ'გოლო კანტე (ალ-იტიხადი)
უნგრეთი - მარტინ ადამი (ულსანი), დანიელ გაზდაგი (ფილადელფია)
საქართველო - საბა კვერკველია (ალ-ოჰდუდი), საბა ლობჟანიძე (ატლანტა), გიორგი გველესიანი (პერსეპოლისი)
ნიდერლანდები - ჯორჯინიო ვეინალდუმი (ალ-იტიფაქი)
პოლონეთი - ბარტოშ სლიში (ატლანტა)
პორტუგალია - კრიშტიანუ რონალდუ (ალ-ნასრი), რუბენ ნევეში (ალ-ჰილალი)
რუმინეთი - დენის ალიბეკი (ალ-მუაიდარი), ანდრე ბურკე (ალ-ოხდუდი), ნიკუშორ სტანჩუ (დამაკი)
შოტლანდია - ჯეკ ჰენდრი (ალ-იტიფაქი)
სერბეთი - ალექსანდარ მიტროვიჩი (ალ-ჰილალი), სერგეი მილინკოვიჩ-სავიჩი (ალ-ჰილალი)
სლოვაკეთი - ვერნონ დე მარკო (ხატა), ჰენრიკ რავასი (ნიუ-ინგლენდი)
სლოვენია - დავიდ ბრეკალო (ორლანდო)
ესპანეთი - ემერიკ ლაპორტი (ალ-ნასრი)
შვეიცარია - ჯერდან შაქირი (ჩიკაგო)
თურქეთი - მერიჰ დემირალი (ალ-შაბაბი)
როგორც ვხედავთ, საქართველოსა და რუმინეთის ნაკრებებში არის ყველაზე მეტი, სამი, არაევროპული კლუბის წარმომადგენელი. ორი წარმომადგენელი ჰყავს პორტუგალიას, სერბეთს, სლოვაკეთსა და უნგრეთს.