დღეს გაიმართება ევროპა ლიგის ფლეი-ოფის პირველი შეხვედრა პოლონურ იაგელონიასა და საქართველოს ჩემპიონ იბერიას შორის.
იბერიამ ისტორია უკვე დაწერა და 22 წლის შემდეგ გახდა პირველი ქართული კლუბი, რომელიც ევროტურნირების ძირითად ეტაპზე იასპარზებს, იქნება ეს ევროპა ლიგა თუ კონფერენს ლიგა, იაგელონიასთან მატჩი გვანახებს.
წნეხი მოხსნილია, მისია შესრულებულია - იბერია მოედანზე ბევრად თავისუფლად ითამაშებს და შეეცდება, რომ ძლიერ მეტოქესთან წარმატებას მიაღწიოს.
მოგეხენებათ, დემჩენკოს გუნდმა ევროპა ლიგის მესამე საკვალიფიკაციო ეტაპზე ლარნე მძიმე ბრძოლაში დაამარცხა,
რაც შეეხება იაგელონიას, ბევრი არ ელოდა, მაგრამ მათ რეინჯერსს სძლიეს, თან ორივე მატჩში უპირატესბა ჰქონდათ და მეტოქე აშკარად დაჯაბნეს.
ანდრიი დემჩენკო: "საკამოდ ძლიერ მეტოქეს ვეთამაშებით, თუმცა ლაღი, თავისუფალი და ლამაზი ფეხბურთი უნდა ვითამაშოთ. ჩემი გუნდი თამაშიდან თამაშამდე უმატებს, რაც მახარებს. დასაკარგი არაფერი გვაქვს, ამიტომ ისტორიის წერა უნდა განვაგრძოთ და ეს ეტაპიც გავიაროთ. დღეს არაფერი სრულდება, რადგან წინ განმეორებითი თამაშია და ვფიქრობ, მაინც ყველაფერი იქ გადაწყდება"
ნიკოლოზ დადიანი: "ისტორიის წერა ჯერ არ დასრულებულა, კონფერენს ლიგის საგზური უკვე გავინაღდეთ, მაგრამ ჩვენი მიზანი ევროპა ლიგაზე გასვლაა. რთული მეტოქეს გვყავს, მაგრამ მათი თამაში გავაანალიზეთ და ვეცდებით, დავამარცხოთ. ამ გუნდის წინააღმდეგ თამაში პატივია, რადგან როგორც ვიცი, საოცარი გულშემატკივრობა აქვთ. ვეცდებით, ჩვენი საუკეთესო თამაში ვაჩვენოთ"
იაგელონია - იბერია
ევროპა ლიგა, ფლეი-ოფი
20 აგვისტო, 20:00
ჩორტენ არენა, ბიალისტოკი
იბერიას სავარაუდო შემადგენლობა: მაკარიძე, ჯინჯოლავა, სელიმოვიჩი, ამისულაშვილი, ფიგუერედო, ქარდავა, დადიანი, კუცია, ნაჭყებია, ძაგანია, სიხარულაშვილი
