დასრულდა ევროპა ლიგის დარჩენილი შეხვედრებიც, რომელთა შორის, პირველ რიგში, გამოსარჩევი იყო მანჩესტერ იუნაიტედის სტუმრობა სტამბოლის ფენერბაჰჩესთან. მატჩი დასრულდა ფრედ, 1:1. ანგარიში მე-15 წუთზე გახსნა კრისტიან ერიქსენმა, 49-ე წუთზე კი იუსეფ ელ-ნესირიმ წონასწორობა აღადგინა.
აღსანიშნავია ისიც, რომ მსაჯთან შეკამათების გამო, ჟოზე მოურინიომ წითელი ბარათი მიიღო. აქვე დავამატებთ იმასაც, რომ 2016-2018 წლებში პორტუგალიელი სპეციალისტი სწორედ "წითელ ეშმაკებში" მუშაობდა. ინგლისური გუნდი ევროპა ლიგაზე თამაშობს ზედიზედ მე-3 ფრეს და შესაბამისად 3 ქულას აგროვებს.
თავისი შეხვედრა ჩაატარა ლიონმაც, რომლის მოწინააღმდეგე სტამბოლის ბეშიქთაში იყო. მასპინძლები მინიმალური ანგარიშით დამარცხდნენ, გიორგი მიქაუტაძემ კი მატჩი სათადარიგოთა სკამიდან დაიწყო. ის 79-ე წუთიდან შევიდა მოედანზე.
ევროპა ლიგის გვიანდელი მატჩების შედეგები:
ფენერბაჰჩე-მანჩესტერ იუნაიტედი 1:1
ტოტენჰემი-ალკმაარი 1:0
ტვენტე-ლაციო 0:2
ბილბაო-სლავია 1:0
ლიონი-ბეშიქთაში 0:1
პორტო-ჰოფენჰაიმი 2:0
რეინჯერსი-სტიაუა 4:0
მალმიო-ოლიმპიაკოსი 0:1
ანდერლეხტი-ლუდოგორეცი 2:0