დასრულდა ევროპა ლიგის გვიანდელი შეხვედრებიც. პირველ რიგში, გამოსარჩევია პორტოსა და მანჩესტერ იუნაიტედის დაპირისპირება, რომელშიც დაფიქსირდა უხვგოლიანი ფრე, 3:3. "წითელი ეშმაკები" მე-20 წუთისთვის იგებდნენ 2:0-ს, მაგრამ 50-ე წუთისთვის ანგარიში 3:2 იყო "დრაკონების" სასარგებლოდ.
"მანკუნიანელების" გადარჩენა ბოლო წუთებზე ჰარი მაგუაიერმა მოახერხა. რომა სტუმრად სენსაციურად დამარცხდა ელფსბორგთან, ლიონმა კი ასევე გასვლაზე გლაზგო რეინჯერსი 4:1 გაანადგურა. სამწუხაროდ, ოლიმპიკის ზეიმმა გიორგი მიქაუტაძის გარეშე ჩაიარა, რომელმაც მთელი მატჩი სათადარიგოთა სკამზე გაატარა.
ევროპა ლიგის გვიანდელი სესიის ყველა მატჩი:
პორტო-მანჩესტერ იუნაიტედი 3:3
ელფსბორგი-რომა 1:0
ბილბაო-ალკმაარი 2:0
რეინჯერსი-ლიონი 1:4
ბეშიქთაში-აინტრახტი 1:3
ტვენტე-ფენერბაჰჩე 1:1
პაოკი-სტიაუა 0:1
პლზენი-ლუდოგორეცი 0:0
სენტ ჟილენი-ბოდო გლიმტი 0:0