ლივერპული-სპარტა პრაღა: კლოპის გუნდმა მეტოქე მთელი თამაშის განმავლობაში არ დაინდო. გოლების წვიმა და გახარებული ენფილდზე შეკრებილი გულშემატკივარი. სპარტამ მხოლოდ ერთი პრესტიჟის გოლის გატანა მოახერხა, საბოლოოდ 6:1 ლივერპულის სასარგებლოდ.
ბრაიტონი-რომა: პირველი მატჩის შემდეგ, ბრაიტონს შეუსრულებელი მისია ჰქონდა. იმის მიუხედავად, რომ დე ძერბის გუნდს "დიდი დაბრუნების" მცდელობა ჰქონდა, შემდეგ ეტაპზე მაინც დე როსის რომა გავიდა. საბოლოო ანგარიში 1:0 დაფიქსირდა.
ატალანტა-სპორტინგი: გვიანი სესიის ერთ-ერთ ყველაზე გამორჩეული და დაძაბული შეხვედრა. მატჩში წინ გასვლა სტუმარმა გუნდმა მოახერხა, თუმცა მეორე ტაიმის სტარტზე გასპერინის გუნდმა დააქამბექა და უპირატესობა კვლავ იტალიელების მხარეს გადავიდა. საბოლოო ანგარიში 2:1 და ბერგამოელები შემდეგ ეტაპზე არიან.
ლევერკუზენი-ყარაბაღი: წაუგებელი სერია გრძელდება, სრული სიგიჟე ალონსოს გუნდისგან! პირველი მატჩის მსგავსად, ალონსოს გუნდს აზერბაიჯანელებმა პრობლემები ისევ შეუქმნეს. პირველი გოლი კვლავ სტუმარმა გუნდმა გაიტანა. შემდეგ იყო ძაფარქულიევის გაძევება, რითაც უპირატესობა, წესით, ლევერკუზენის მხარეს უნდა გადასულიყო, მაგრამ ამის მიუხედავად, გოლი ისევ სტუმრებმა გაიტანეს, ანგარიში უკვე 0:2 გახდა. ბაიარენაზე დიდი სენსაცია ცხვებოდა, თუმცა შემდეგ გერმანული მანქანა ამუშავდა - ლევერკუზენმა 3 გოლის გატანა მოახერხა, "ფარმაცევტების" წაუგებელი სერია კი 37-მატჩამდე გაიზარდა. ალონსოს გუნდი შემდეგ ეტაპზე გავიდა.
![[VIDEO] 9-2 ინგლისის ლეგენდების სასარგებლოდ — ჯონ ტერიმ იტალიას შანსი არ დაუტოვა](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2Fbho2SnR3IdZWITCoaptF3PSfJ1ryNWtO.jpg&w=3840&q=75)
