"მაყურებელმა 90 წუთის განმავლობაში იხილა ოთხი გატანილი გოლი, ბრძოლა ყოველი მომენტისთვის და უამრავი სახიფათო შეტევა... ეს იყო ამ გათამაშების საუკეთესო მატჩი" - ძირითადად ასე შეაფასეს გავლენიანმა ჟურნალისტებმა და გამოცემებმა გუშინდელი შეხვედრა.
Julien Laurens (ESPN, BT Sport, RMC Sport): "აქამდე ჩატარებული მატჩებინდან რაც გვინახავს, თურქეთი - საქართველო ევროპის ჩემპიონატის საუკეთესო მატჩია."
B/R Football: "ბოდიშის მოხდა მმართებს. მე ნამდვილად არაფერი ვიცოდი თქვენი თამაშის შესახებ."
Siavoush Fallahi (Fotbollskanalen): "საოცნებო სამყაროში ჩვენ შეგვიძლია კიდევ ოთხმოცდაათი წუთი დავუმატოთ თურქეთი-საქართველოს მატჩს, რადგან ეს ჯერჯერობით ევროპის ჩემპიონატის საუკეთესო თამაში იყო."
BBC Sport: "საქართველომ, რომელიც პირველად თამაშობდა ევროპის ჩემპიონატზე, ვაჟკაცურად იბრძოლა და მატჩის გადარჩენის ძალიან კარგი შანსიც ჰქონდა."The Athletic | Football: "ჩემპიონატის აუტსაიდერებმა ზუსტად აჩვენეს, რატომ იმსახურებენ აქ ყოფნას - ევრო 2024-ის ჯერჯერობით საუკეთესო თამაში."Independent: "თურქეთმა და საქართველომ ევროპის ჩემპიონატზე შტორმი მოიტანეს. მათ ყველა აალაპარაკეს."The Guardian: "საქართველო ასეთი მატჩის შემდეგ, მარცხს არ იმსახურებდა."ApNews: "საქართველო, რომელიც ევრო 2024-ის ყველაზე დაბალი რეიტინგის მქონე ქვეყანაა, გამაოგნებელი ტემპით თამაშობდა, ისინი ბოლო წამამდე ბრძოლაში იყვნენ."The New York Times: "პატივისცემა საქართველოს, ამ ნაკრებმა ბოლომდე იბრძოლა."Betty Glover (BBC Sport, Optus Sport): "ეს იყო საოცარი თამაში! ყველაფერი, რაც შეიძლება გინდოდეს მატჩისგან, მოედანზე მოხდა. თურქეთი 3:1 საქართველო. რამდენიმე განსაცვიფრებელი გოლი და ბრწყინვალე შანსები. დასასრულს გული მწყდება საქართველოზე, რომელიც ასე ახლოს იყო თამაშის გადარჩენასთან, მათთვის ისტორიულ მატჩში. ტურნირის საუკეთესო მატჩი, ამაზე დავაც არ ღირს."Adam Summerton (TNT Sports): "მადლობა ორივე ნაკრებს. სწორედ ასეთი მატჩების გამო გვიყვარს ფეხბურთი! ბედნიერი ვარ, რომ ეს შეხვედრა ყველამ ერთად ვიხილეთ."Roberto Rojas (ESPN FC): "თურქეთ-საქართველოს მატჩს ჰქონდა ყველაფერი, პირველი წუთიდან ბოლო წამამდე. ეს იყო შესანიშნავი 90 წუთი, ეს იყო ფეხბურთი, სპორტის სახეობა, რომელიც ასე ძალიან გვიყვარს."ფოტო: ეროვნული ნაკრები.
