საქართველოს სპორტულ ჟურნალისთა ასოციაციის გამოკითხვის შედეგად, ეთერ ლიპარტელიანი 2024 წლის საუკეთესო ქალი სპორტსმენია.
სპორტულ ჟუტნალისტთა ასოციაციის წევრების გამოკითხვის შედეგების მიხედვით, ძიუდოისტმა 140 ხმა მიიღო. 92 ქულით მეორე ადგილზე მოციგურავე ანასტასია გუბანოვა გავიდა. მესამე შედეგი კი 31-31 ქულით ძალოსან ანასტასია გოტფრიდს და ლეგენდარულ ნინო სალუქვაძეს ჰქონდათ. გამოკითხვაში მონაწილეობა 75-მა სპორტულმა ჟურნალისტმა მიიღო.
25 წლის ეთერ ლიპარტელიანი ევროპის ორგზის ბრინჯაოს პრიზიორია, შერეულ გუნდურ შეჯიბრში კი ევროპის 2-გზის ჩემპიონი და მსოფლიო ჩემპიონატის ბრინჯაოს პრიზიორი, ახალგაზრდებს შორის კი მსოფლიოსა და ევროპის ჩემპიონი გახლავთ. თბილისის ძიუდოს აკადემიაში ეთერ ლიპარტელიანს, რომელმაც წლის საუკეთესო ქალი სპორტსმენის ტიტული უკვე მეოთხედ მოიგო.
ლიპარტელიანს ჯილდო საქართელოს სპორტულ ჟურნალისტთა ასოციაციის პრეზიდენტმა, გიგა გვენცაძემ და ცნობილმა სპორტულმა ჟურნალისტმა, თამარ ბალავაძემ გადასცეს. თამარ ბალავაძემ გამარჯვებულ სპორტსმენს საკუთარი წიგნიც - „ერთი ჩემპიონი ქალის ისტორიაც“ უსახსოვრა. წ იგნში 23 ყველაზე ტიტულოვანი ქართველი ქალის ისტორიაა მოთხრობილი. მოქმედი სპორტსმენებიდან ეთერ ლიპარტელიანი ერთადერთია, ვისი ისტორიაც ამ წიგნში შევიდა.
დაჯილდოებას ძიუდოს ფედერაციის პრეზიდენტი ლევან ნოზაძე და ძიუდოს ქალთა გუნდის მთავარი მწვრთნელი გიორგი თენაძე ესწრებოდნენ.
ეთერ ლიპარტელიანმა სპორტულ ჟურნალისტებს მადლობა გადაუხადა:
"დიდი მადლობა სპორტულ ჟურნალისტთა ასოციაციას ჩემი არჩევისთვის.ეს ჩემთვის დიდი პატივი და დიდი მოტივაციაა. ძალიან გახარებული ვარ და ბედნიერი. სასიამოვნოა როცა შრომა გიფასდება."
გიგა გვენცაძე (სპორტულ ჟურნალისტთა ასოციაციის პრეზიდენტი): "მინდა მივულოცო ეთერ ლიპარტელიანს მორგი აღიარება. იგი ბოლო წლებში ჩვენში ქალთა სპორტის უდავო ლიდერია. რამდენიმე დღეში მსოფლიოს ჩემპიონატი იწყება და მინდა წარმატებები ვუსურვო ეთოს და საქართველოს ნაკრებს."
