ინგლისის თასის შეხვედრაში, სადაც მიდლსბრო ვრექსჰემს დაუპირისპირდა და 1:0 დაამარცხა, უცნაური შემთხვევა დაფიქსირდა.
როგორც ჩანს, მიდლსბროს ფეხბურთელს ვილ ლანკშირს 2026 წლის მსოფლიო ჩემპიონატისთვის თვალი სათანადო არ მიუდევნებია.
ის 82-ე წუთზე შეცვალეს, თუმცა დროის გაყვანის მიზნით, მოედანს ნელა ტოვებდა. ახალი წესების თანახმად, თუ ფეხბურთელი მოედანს 10 წამის ინტერვალში არ დატოვებს, მისი გუნდი ერთი წუთის განმავლობაში კაცნაკლული რჩება.
მიდლსბრო კაცნაკლული დარჩა, თუმცა მათდა საბედნიეროდ, ამ მცირე მონაკვეთსი ვექსჰემს მასპინძელთა კართან ხიფათი არ შეუქმნია.
მიდლსბროს თავკაცმა აშკარად იცოდა წესის შესახებ, თავის თავდამსხმელს მოუწოდებდა, ეჩქარა და მოედანი დაეტოვებინა, მაგრამ უკვე გვიანი იყო და მასპინძლები იძულებულნი გახდნენ, მცირე ხნით მხოლოდ 10 კაცით ეთამაშათ.
„არ ვიცოდი!“ - აღიარა მატჩის შემდეგ ლანკშირმა სიცილით. „ახლა ვიცი, რომ მოედნიდან ბევრად უფრო სწრაფად უნდა გახვიდე!“, - დაასრულა მან.
