სულ რამდენიმე საათის წინ დასრულდა სეზონის ერთ-ერთი საუკეთესო მატჩი, სადაც ენფილდზე შეკრებილმა მაყურებელმა საოცარი ფეხბურთი იხილა. პარიზელებმა ლივერპულს პენალტების სერიაში აჯობეს და 1/4 ფინალში გასვლა მოახერხეს.
მატჩის დასრულების შემდეგ, პსჟ-ს მთავარმა მწვრთნელმა ლუის ენრიკემ მედიასთან ისაუბრა:
"ჩვენ ყველას ვაჩვენეთ, რომ ძლიერი გუნდი ვართ. იყო თუ არა ეს ჩვენი გუნდის მაქსიმუმი? არა, ეს მხოლოდ დასაწყისია. მე ვფიქრობ, რომ ჩვენი მენტალიტეტი მაღალ დონეზეა და ამაზე გაჩერებას არ ვაპირებთ.
ძალიან რთული მატჩი იყო — ვფიქრობ, ლივერპული ძალიან კარგი გუნდია, შეიძლება საუკეთესოც კი ევროპაში, თუმცა ჩვენი ძლიერი მენტალიტეტითა და ხასიათის გამოვლინებით, მომდევნო ეტაპზე გასვლა მოვახერხეთ. ახლა ჩვენ გვჭირდება კარგი დასვენება და ამის შემდეგ, მომდევნო მატჩზე ფიქრს დავიწყებთ."
პსჟ 1/4 ფინალურ ეტაპზე ასტონ ვილას ან ბრიუგეს დაუპირსპირდება.