საქართველოს ნაკრებმა მსოფლიო ჩემპიონატის საკვალიფკაციო ეტაპის ფარგლებში ესპანეთის ეროვნული გუნდი ანგარიშით 91:89 დაამარცხა. აღსანიშნავია, რომ შეხვედრის მსვლელობისას ჩვენი ნაკრები აგებდა 22 ქულას, მაგრამ შემდეგ, შეძლო დაბრუნება თამაშის ოვერტაიმში გადაყვანა და მოგება.
მატჩის შესახებ ჩვენი გუნდის კაპიტანმა, თორნიკე შენგელიამ ისაუბრა:
“ეს არის ჩვენი ხასიათი, ჩვენში დევს, ეს ჩვენი დნმ-ია, მიუხედავად იმისა, რომ 22 ქულას ვაგებდით არასდროს დაგვიკარგავს საკუთარი თავის რწმენა. ბოლომდე ვიბრძოლეთ, რამაც შედეგი გამოიღო და ბოლოს ასე დაგვირგვინდა.
სპორტში წაგება ხდება, უკრაინასთან რაც მოხდა, თუმცა ძალიან დიდი მნიშვნელობა აქვს, როგორ გამოხვალ და როგორ ითამაშებ შემდეგ მატჩს, როგორი ხასიათითა და ჟინით გამოხვალ.
ძალიან დიდი მნიშვნელობა ჰქონდა გულშემატკივრის მხარდაჭერას, დიდი მადლობა მათ ჩემი და მთელი გუნდის სახელით. მიხარია, რომ დღეს ასე გავახარეთ ჩვენი ქომაგები.”
მიუხედავად იმისა, რომ საქართველოს მომდევნო ჯგუფური ეტაპის საგზური უკვე განაღდებული აქვს, ესპანეთთან მოგებას მაინც მნიშვნელოვანი იყო. თითოეული მოპოვებული ქულა გუნდებს მეორე რაუნდშიც გადაჰყვებათ, სადაც კიდევ 6 მატჩი ელით და სწორედ ამ ჯამური შედეგით გაირკვევა, მოიპოვებენ თუ არა მსოფლიო პირველობის საგზურს.
![[VIDEO] პეპს უფრო და უფრო ემსგავსება - მარესკამ გუარდიოლასგან კიდევ ერთი თვისება აიღო](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUXKewH8qSoOsPv8uyjZZEsG9OoCHiwgY.png&w=3840&q=75)
