"წინ ძალიან საინტერესო ტურნირი გველოდება. ეს იქნება ახალი გამოწვევა, სადაც მიხარია, რომ ჩემი გუნდიც მიიღებს მონაწილეობას. ამ ტურნირზე მოსახვედრად ბოტაფოგომ მოახერხა და მოიგო ბრაზილიის ჩემპიონატი და კოპა ლიბერტადორესი. ახლა ჩვენ მოგვიწევს ვეთამაშოთ ერთ პატარა გუნდს პარიზიდან და დიდ, ისტორიულ გუნდს ატლეტიკო მადრიდს. მოუთმენლად ველოდები ტურნირის დაწყებას."
შეგახსნებეთ, ჯონ ტექსტორსა და პსჟ-ს მფლობელს, ნასერ ალ-ხელაიფს შორის დაპირისპირება წლების წინ დაიწყო, შესაბამისად, ამერიკელი ბიზნესმენის მიერ გაკეთებული მსგავსი შინაარსის კომენტარი, არავის გაჰკვირვებია.
რაც შეეხება მსოფლიოს საკლუბო ჩემპიონატს, ტურნირი სტარტს 2025 წლის 15 ივნისს აიღებს, ფინალი კი 13 ივლისს გაიმართება.
