ევროპა ლიგის მესამე საკვალიფიკაციო ეტაპზე ერთმანეთს ჩრდ.ირლანდიის წარმომადგენელი ლარნე და საქართველოს მოქმედი ჩემპიონი იბერია დაუპირისპირდებიან.
მოგეხსენებათ, იბერია ჩემპიონთა ლიგის მეორე საკვალიფიკაციო ეტაპიდან სლოვან ბრატისლავასთან გამოვარდა და ასპარეზობას ევროპა ლიგაზე გააგრძელებს.
იბერიელები ჩრდ.ირლანდიაში ფორსმაჟორულ სიტუაციაში ჩაფრინდნენ, სავიზო და თვითმფრინავის პრობლემების შემდეგ, ყველაფერი კარგად დასრულდა და იბერია უკვე ადგილზეა.
სამწუხაროდ, დღევანდელ მატჩს იბერიას ერთ-ერთი ლიდერი ვახო ბედოშვილი ტრავმის გამო გამოტოვებს, რომელიც ამ სეზონში გუნდის ყველაზე შედეგიანი ფეხბურთელია.
ჩემპიონთა ლიგაზე ასპარეზობდა ლარნეც, მათ ასევე ერთი ეტაპი გადალახეს და ცვერნა ზვეზდასთან უშანსოდ, ორი მატჩის ჯამში 9:0 წააგეს.
როგორც მათი გუნდის მთავარი მწვრთნელი აცხადებს, ეს მარცხი მისი გუნდისთვის გამოცდა იყო და იბერიასთან ორმაგი ძალებით შეეცდებიან მიზნის მიღწევას.
ლარნე - იბერია
ევროპა ლიგა, მესამე საკვალიფიკაციო ეტაპი
4 აგვისტო, 23:00
ინვერ პარკი, პარნე
იბერიას სავარაუდო შემადგენლობა: მაკარიძე, ჯინჯოლავა, ამისულაშვილი, სელიმოვიჩი, კუცია, დადიანი, ქარდავა, ბართიშვილი, ნაჭყებია, სიხარულაშვილი, ძაგანია
