"მოურინიოს რეალში ყოფნის პერიოდში ლა ლიგაში მომხდარ მოვლენებს დიდი ყურადღებით ვადევნებდი თვალს. მისი და ბარსელონას დაპირისპირება ჰგავდა ტელესერიალს, რომლის ყოველ ახალ სერიას მოუთმენლად ველოდებოდი. დიახ, ჟოზემ მოახდინა სასწაული ინტერსა და პორტუში, მაგრამ ეს ყველაფერი მაინც ვერ შეედრება იმ ყველაფერს, რასაც ის მადრიდში აკეთებდა.
კატალონიური გუნდი იყო თავისი შესაძლებლობების პიკში და ერთადერთი, რომელმაც შეძლო მათი დამარცხება სწორედ პორტუგალიელი მწვრთნელი იყო. "სამეფო კლუბის" სპეციალისტი თითქოს ერთი ხმლით "ბლაუგრანას" მთელ ჯარს უპირისპირდებოდა", - განაცხადა "წითელი ეშმაკების" ყოფილმა დამრიგებელმა.
