მაიკლ ოლისეს ამ სეზონში ყველა ტურნირზე ერთად 30 საგოლე გადაცემა დაუგროვდა. შთამბეჭდავი შედეგია, თუმცა არა რეკორდული. საუკეთესო შედეგი არის 31 ასისტი და ამ ნიშნულამდე თავის დროზე 3 მოთამაშე მივიდა. საუბარია ლიონელ მესიზე, კევინ დე ბრუინსა და ჰენრიხ მხითარიანზე.
არგენტინელი შემტევის რეკორდი გამორჩეულია კიდევ უფრო განსაკუთრებულად, რადგან მან 31 საგოლე გადაცემა გაიფორმა ორჯერ - 2011/12-ისა და 2014/15-ის სეზონებში. ბელგიელმა ფლეიმეიქერმა 31 ასისტი დააფიქსირა 2022/23-ის სეზონში, სომეხმა გამთამაშებელმა კი 2015/16-ში.
დავუბრუნდეთ ფრანგ შემტევს, ვისაც როგორც აღვნიშნეთ, ახალი რეკორდის დასამყარებლად ორი საგოლე გადაცემის გაფორმება სჭირდება. მიუნხენის ბაიერნის ვინგერს საამისოდ აქვს 2 შეხვედრა, გერმანიის ჩემპიონატის უკანასკნელი ტური კიოლნთან და შემდეგ, ქვეყნის თასის ფინალი შტუტგარტთან.
