ტური სამგურალისა და იბერიის საინტერესო მატჩით დაიწყო. ბაქარ ქარდავას გოლს სამგურალმა ორი გოლით უპასუხა და პირველი ტაიმი მასპინძლებმა მოიგეს, თუმცა მეორე ტაიმში იბერიამ კარგი ფეხბურთელი აჩვენა, თამაში შემოატრიალა და ანგარიშით 3:2 მოიგო.
მიუხედავად იმისა, რომ გოლი არ გასულა, თელავისა და ტორპედოს დაპირისპირება არანაკლებ საინტერესო და დაძაბული გამოდგა, მომენტები ორივე გუნდის კართან იყო, თუმცა გოლი ვერცერთმა გაიტანა და მატჩი 0:0 დასრულდა.
დინამო თბილისმა მოუგებელი სერია გაგრასთან შეწყვიტა. კარასკოს გუნდმა პირველი ტაიმის უგოლო ფრის შემდეგ, მეორე ტაიმში შეტევაში მოუმატა, ანგარიში უგრეხელიძემ გახსნა, ახალწვეულმა გორდეზიანმა კი საბოლოო ანგარიში დააფიქსირა - 0:2.
კოლხეთისა და დილას მატჩის გმირი გორელთა მეკარე დავით კერესელიძე გამოდგა, რომელმაც 15-წუთიან მონაკვეთში 2 პენალტი მოიგერია, დილამ კი მორიგი კარგი მატჩი ჩაატარა და 1:3 გაიმარჯვა.
დაძაბული გამოდგა დინამო ბათუმისა და სამტრედიას მატჩი. იმერლებმა ანგარიში ჰაიდარის გოლით გახსნეს, რის შემდეგაც ბათუმის მწვავე შეტევებისგან თავს წარმატებით იცავდნენ. ბათუმმა ანგარიში ტაიმის მიწურულს გაათანაბრა. მეორე ნახევარში კი დინამო ბათუმმა გოლების გატანა ბოლო 10 წუთში შეძლო და ანგარიშით 3:1 მოიგო.
