ეროვნული ლიგის 21-ე ტურში გაიმართა საკმაოდ უხვგოლიანი და დრამატული დაპირისპირება ქუთაისის ტორპედოსა და იბერიას შორის.
მე-6 წუთზე ანგარიში პირესმა არაბიძის გადაცემით გახსნა, ბუკიამ სხვაობა ორამდე გაზარდა, თუმცა გიორგი კუციამ ერთი ბურთი მალევე გაქვითა.
პირველი ტაიმის მიწურულს მამუჩაშვილმა ტორპედოს უპირატესობა გაზარდა, იბერიას მდგომარეობა მას შემდეგ დამძიმდა, რაც მოედნიდან ბოჭორიშვილი გააძევეს.
მიუხედავად 10 კაცისა, ძაგანიას და სიხარულაშვილის გოლებით მოქმედი ჩემპიონი თამაშში დაბრუნდა და ანგარიში გაათანაბრა.
თუმცა 84-ე წუთზე გამარჯვების გოლი დიეგო დეისაძემ გაიტან და ტორპედოს მნიშვნელოვანი 3 ქულა მოუტანა -4:3.
