ცოტა ხნის წინ, კლუბის ოფიციალურმა გვერდმა გაავრცელა ინფორმაცია, რომ დინამო ბათუმმა მორიგი ტრანსფერი განახოერციელა და ისრაელელი ნახევარმცველი დაიმატა.
"საფეხბურთო კლუბი დინამო ბათუმი მოხარულია გაცნობოთ, რომ ისრაელელი საყრდენი ნახევარმცველი, ავაკა ეშეტე, კარიერას ჩვენს კლუბში განაგრძობს. ფეხბურთელმა სამედიცინო შემოწმება სამშობლოში გაიარა, რის შემდეგაც დინამოსთან ხელშეკრულება 2028 წლის ბოლომდე გააფორმა", - წერა კლუბის ოფიციალური გვერდი.
„ბედნიერი ვარ დინამოში გადმოსვლით, ეს ჩემთვის ახალი გამოწვევაა. პირველად ვითამაშებ ისრაელის საზღვრებს გარეთ და ვფიქრობ, წინ საინტერესო თავგადასავალი გველის.“ - ავაკა ეშეტე.
ავაკა ეშეტე იერუსალიმის ჰაპოელის აღზრდილია და მთელი პროფესიული კარიერა სწორედ ამ კლუბში გაატარა. პირველ გუნდში მისი დებიუტი 2016 წელს შედგა. მას შემდეგ ავაკამ ჰაპოელის მაისურით 229 შეხვედრაში მიიღო მონაწილეობა, 10 გოლი გაიტანა და 6 შედეგიანი გადაცემა შეასრულა. იგი გუნდის კაპიტანი გახლდათ და ისრაელის ჩემპიონატში არაერთი გამორჩეული მატჩი აქვს ჩატარებული.
შეგახსენებთ, რომ ცოტა ხნის წინ, დინამო ბათუმმა კიდევ ერთი ტრანსფერი განახორციელა და ივან ტურიცოვი დაიმატა.
