როგორც მოგეხსენებათ, ცოტა ხნის წინ, საქართველოს ნაკრების ფეხბურთელი გიორგი ჩაკვეტაძე უოტფორდიდან უდინეზეში გადავიდა.
ჩაკვეტაძე უკვე წარადგინეს, ის გუნდთან ერთად ვარჯიშს დაიწყებს და ახალი სეზონისთვის მოემზადება.
დადასტურებულად შეიძლება ითქვას, რომ უდინეზე 8 აგვისტოდან სამთა ტურნირს ითამაშებს, სადაც უდინეზე, ბარსელონა და ნოტინგემი იქნებიან. მატჩები ქალაქ უდინეში გაიმართება.
შესაბამისად, ქართველი ფეხბურთელი სადებიუტო მატჩს, არც მეტი არც ნაკლები, ბარსელონას წინააღმდეგ ჩაატარებს.
უდინეზესთვის სერია ა-ს სეზონი 22 აგვისტოს იწყება, ისინი კომოს დაუპირისპირდებიან. იქამდე კი, 15 აგვისტოს იტალიის თასზე პადოვას შეხვდებიან.
