ჩემპიონთა ლიგის 1/2 ფინალური ეტაპის განმეორებით მატჩში, პსჟ ბაიერნს ესტუმრა და ფინალის საგზური მოიპოვა. აღნიშნულ მატჩში, ასისტი გაიფორმა პარიზული კლუბის ქართველმა შემტევმა, ხვიჩა კვარაცხელიამ და კომენტარი გააკეთა.
"ფინალში გასვლით ძალიან ბედნიერი ვარ — ბაიერნი ერთ-ერთი საუკეთესო გუნდია და დღეს სეზონის ყველაზე რთული მატჩი გვქონდა, თუმცა, კიდევ ერთხელ დავამტკიცეთ, რომ ასეთ დონეზე თამაში შეგვიძლია. არსენალს ძლიერი გუნდი ჰყავს და ფინალშიც მაქსიმალურად უნდა დავიხარჯოთ წარმატებისთვის."
"დღეს სწრაფი გოლი უმნიშვნელოვანესი იყო და ჩვენ ეს შევძელით. დავინახე, რომ დემბელე მარტო იდგა, პასი მივეცი და შეტევა გოლით დაასრულა. ვამაყოთ მისით და მთელი გუნდით, რადგან დღეს მოედანზე ყველა ბოლომდე დავიხარჯეთ და საოცარი გუნდური სულისკვეთება გამოვავლინეთ" — ხვიჩა კვარაცხელია.
ჩემპიონთა ლიგის 2025/26 წლების სეზონის ფინალი 30 მაისს გაიმართება და ტიტულისთვის ერთმანეთს პსჟ და არსენალი დაუპირისპირდებიან.
