დღეს, ჩემპიონთა ლიგის 1/8 ფინალური მატჩი გაიმართება, სადაც ნაპოლი ბარსელონას უმასპინძლებს. შეხვედრის წინ, კატალონიური გუნდის ერთ-ერთმა ლიდერმა, ფრენკი დე იონგმა ხვიჩა კვარაცხელიაზე ისაუბრა.
"ხვიჩა კვარაცხელია ძალიან მაღალი დონის ფეხბურთელია და მატჩის ბედი გადაწყვეტა შეუძლია. მას ყველაფერი გამოსდის - მეტოქის მოტყუება, გოლის გატანა და ასისტის გაკეთება. კვარაცხელიას უნდა ვუფრთხილდეთ" - განაცხადა ნიდერლანდელმა ფეხბურთელმა.
ნაპოლის და ბარსელონას დღევანდელი დაპირისპირება თბილისის დროით 23 საათსა და 55 წუთზე დაიწყება. აღნიშნულ შეხვედრაში ნეაპოლური კლუბის ახალი მთავარი მწვრთნელის, ფრანჩესკო კალცონას დებიუტი შედგება.
დე იონგი: "კვარაცხელიას მატჩის ბედი გადაწყვეტა შეუძლია"
