თუმცა პირველი ფეხბურთელი, ვინც ეს გადაწყვეტილება მიიღო და სათამაშოდ აზიაში წავიდა, ბრაზილიელი ოსკარი იყო. ოსკარი ჩელსის ერთ-ერთი ლიდერი იყო, კარგი სეზონები ჰქონდა და მოულოდნელად, თავი ჩინეთში აიღო.
7 წლის წინ მიღებულ გადაწყვეტილებას უდიდესი კრიტიკა მოჰყვა, რადგან ახალგაზრდა ფეხბურთელი, რომელსაც ევროპაში თავის დამკვიდრება შეეძლო, დიდი თანხების გამო ჩინეთს მიაშურა.
სად არის ახლა ოსკარი? - 33 წლის ნახევარმცველი შანხაიში უკვე 7 წელია ირიცხება და სტაბილურად კარგად თამაშობს. მიმდინარე წელს კი მისი შედეგები უბრალოდ არარეალურია. თუ გასულ სეზონში მის ანგარიშზე 30 შეხვედრაში 9 გოლი და 13 საგოლე გადაცემა იყო, წელს ოსკარს 29 მატჩში 14 გოლი და 21 ასისტი აქვს.
"შანხაი ერთ-ერთი საუკეთესო ქალაქია მსოფლიოში, როგორც ცხოვრების წესით, ისე უსაფრთხოებით. აქ ყოფნით ბედნიერი ვარ", - განაცხადა ოსკარმა რამდენიმე დღის წინანდელ ინტერვიუში.
ბოლოს მან აზიის ჩემპიონთა ლიგაზე ითამაშა, სადაც გიორგი არაბიძის ულსან ჰიუნდაის დაუპირისპირდა და 1:3 გაიმარჯვა. ოსკარმა 3 საგოლე გადაცემა გააკეთა.
7 წლის განმავლობაში ოსკარმა შანხაისთან ერთად ჩინეთის ჩემპიონატი 3-ჯერ მოიგო, ერთხელ ჩინეთის თასი, ერთხელაც სუპერთასი.
ის ფაქტიც, რომ ასეთი დონის ფეხბურთელი ჩინეთში თამაშობს, მისთვის პრობლემა აღარაა, რადგან ბოლო წლებში ევროპიდან სხვა კონტინენტზე სათამაშოდ ისედაც ბევრი კარგი ფეხბურთელი წავიდა.
