ბოლო პერიოდში, აქტიურად იწერება, რომ პსჟ-ს ფრანგი შემტევი ბრედლი ბარკოლა გუნდს დატოვებს. მის მიმართ ინტერესს ევროპული გრანდები იჩენენ.
ამასთან დაკავშირებით კომენტარი პარიზელთა მთავარმა მწვრთნელმა ლუის ენრიკემ გააკეთა.
"ბარკოლა ბრწყინვალე ფეხბურთელია და როგორც ვიცი, აქ ყოფნა პსჟ-ს ყველა ფეხბურთელს ახარებს, ამიტომ სატრანსფერო ჭორები არ მაინტერესებს.
ყველა ფეხბურთელის გადაწყვეტილებას პატივს ვცემ. თუ ერთ დღეს რომელიმე მეტყვის რომ წასვლა სურს, დავთანხმდები.
გუნდში მსურს მყავდეს მხოლოდ ისეთი ფეხბურთელები, რომლებსაც აქ ყოფნა უხარიათ და თამაშობენ კლუბისთვის", - განაცხადა ენრიკემ.
