ლიონელ მესისა და კრიშტიანუ რონალდუს ერთმანეთთან შედარება ყოველთვის აქტუალურ თემად რჩება. ლეგენდარული ფეხბურთელების შესახებ ისაუბრა ჩავი ერნანდესმა, რომელმაც დეტალურად ახსნა, როგორც არგენტინელი ფლეიმეიქერის, ისე პორტუგალიელი ფორვარდის თამაშის სტილი.
"რონალდუს უარყოფითი მხარე? ის არ არის ისეთი გუნდური ფეხბურთელი, როგორიც მესი. ფიზიკურ კომპონენტებში ისინი არიან თანაბრად, თუმცა ბურთის ფლობასა და გუნდურ თამაშში ლეოს საგრძნობი უპირატესობა აქვს. არ ვამბობ იმას, რომ კრიშტიანუს ეს ყველაფერი არ შეუძლია, უბრალოდ არგენტინელი ფლეიმეიქერი სხვა დონეზე არის.
ორივე გოლეადორია, თუმცა როგორც აღვნიშნე, მაიამის კაპიტანი უფრო გუნდური ფეხბურთელია. რა თქმა უნდა, ის მსოფლიოს ყველა დროის საუკეთესო მოთამაშეც არის. ფეხბურთში უმნიშვნელოვანესია ორი კომპონენტი: ფიზიკური სიძლიერე და ინტელექტი. დიახ, ალ ნასრის კაპიტანი ათლეტურია, მაგრამ არგენტინის ეროვნული გუნდის 10-იანს გაცილებით მეტი სასარგებლო თვისებები აქვს", - განაცხადა ესპანელმა დამრიგებელმა.
