მსოფლიო ჩემპიონატის ჯგუფური ეტაპის მეორე ტურში, ბრაზილია ჰაიტის დაუპირისპირდა და მეტოქეს 3 უპასუხო გოლი გაუტანა.
აღნიშნული მატჩის სამივე გოლი პირველ ტაიმში გავიდა — ანგარიში 23-ე წუთზე კუნიამ გახსნა, რომელმაც 36-ე წუთზე დუბლი გაიფორმა, ხოლო მსაჯის მიერ კომპენსირებულ მე-3 წუთზე ჰაიტის კარი ვინისიუსმა აიღო.
ბრაზილია 3-0 ჰაიტი
გოლები: 1-0, 2-0 კუნია (23', 36'), 3-0 ვინისიუსი (45+3')
ორი ტურის შემდეგ, ბრაზილიის ეროვნულ ნაკრებს 4 ქულა აქვს და C ჯგუფს ლიდერობს. ბოლო ტურში ანჩლოტის გუნდი შოტლანდიას დაუპირისპირდება.
