ვენესუელა 1:1 ბრაზილია
ესტადიო მონუმენტალ დე მატურინზე შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გუნდებმა ქულები გაიყვეს.
ვენესუელას მხრიდან თავის გამოჩენა ტელასკო სეგოვიამ მოახერხა, ხოლო ბრაზილიიდან გოლი რაფინიამ გაიტანა, რომელიც საოცარ ფორმაშია. მატჩის 62-ე წუთზე, პენალტის გატანა ვერ მოახერხა ვინისიუს ჟუნიორმა.
11 ტურის შემდეგ, ბრაზილიას 17 ქულა აქვს და მე-3 პოზიციაზე იმყოფება. ხოლო რაც შეეხება ვენესუელას, ფერნანდო ბატისტას გუნდი, მე-7 პოზიციამდე აღზევდა.
იხილეთ მატჩის მიმოხილვა
იხილეთ მატჩის მიმოხილვა
პარაგვაი 2:1 არგენტინა
"ალბისელესტეს" სენსაციური მარცხი! ლიონელ სკალონის გუნდი მძიმე ბრძოლაში დამარცხა და კოლუმბიას ცხრილში დაწევის საშუალება მისცა.
იმის მიუხედავად, რომ არგენტინა ლაუტარო მარტინესის გოლით იგებდა, პარაგვაიმ დააქამბექა და უმნიშვნელოვანესი 3 ქულა მოიპოვა. ალფაროს გუნდის მხრიდან თავი ანტონიო სანაბრიამ და ომარ ალდერეტემ გამოიჩინეს. არგენტინა 22 ქულით, პირველ პოზიციაზე რჩება, პარაგვაი კი 16 ქულით, მე-6 პოზიციამდე აღზევდა.
იხილეთ მატჩის მიმოხილვა:
ეკვადორი 4:0 ბოლივია
ბეკაჩეჩეს გუნდი ამ მატჩს ფავორიტის სტატუსით შეხვდა, რაც საბოლოო ჯამში ანგარიშშიც აისახა. მასპინძელმა გუნდმა მეტოქეს ყველა კომპონენტში აჯობა და მარტივი გამარჯვებაც მოიპოვა.
ეკვადორის მხრიდან თავის გამოჩენა ენერ ვალენსიამ, ალან მინდამ და გონსალო პლატამ მოახერხეს. ამ უკანასკნელმა მეტოქეს დუბლი შეუსრულა. ეკვადორი ამ გამარჯვების შემდეგ მე-5 პოზიციაზე გადავიდა, რაც შეეხება ბოლივიას, ვილეგასის გუნდი მე-8 პოზიციაზე დარჩა.
იხილეთ მატჩის მიმოხილვა
