ჩემპიონთა ლიგის საკვალიფიკაციო ეტაპზე იბერია ფლორას დაუპირისპირდება. მატჩი 8 ივლისს, ესტონეთში გაიმართება.
მატჩამდე რამდენიმე დღით ადრე, იბერიას ვარჯიშზე სკანდალი დაფიქსირდა - გუნდის ერთ-ერთ ლიდერ პაატა ღუდუშაურსა და მთავარ მწვრთნელ ანდრეი დემჩენკოს შორის ფიზიკური დაპირისპირება მოხდა.
როგორც ჩვენთვის არის ცნობილი, ვარჯიშის დროს, დემჩენკომ ღუდუშაურს სიტყვიერი შეურაცხყოფა მიაყენა, რაც ფიზიკურ დაპირისპირებაში გადაიზარდა. ღუდუშაური ეროვნული ლიგის ერთ-ერთი გამორჩეული ფეხბურთელია და ჩემპიონთა ლიგაზე იბერია მის გარეშე ითამაშებს.
ჯერჯერობით უცნობია, რა სასჯელი ელით მხარეებს. ფაქტი ისაა, რომ ამ ეტაპზე, ღუდუშაური გუნდთან ერთად არ ვარჯიშობს და იბერიას ესტონეთშიც არ გაჰყვა.
შეგახსენებთ, რომ დემჩენკო იბერიაში სულ ცოტა ხნის წინ დაინიშნა. მისი ქართული სამწვრთნელო კარეირა დინამო ბათუმსა და გორის დილასაც უკავშირდება და იმ კლუბებში ყოფნისასაც იყო გახვეული მსგავს სკანდალებში.
