მადრიდული დერბი სწრაფი გოლით დაიწყო — მე-4 წუთზე თავი როდრიგომ გამოიჩინა. 32-ე წუთზე ალვარესმა გაათანაბრა, ხოლო 55-ე წუთზე დიასმა სამეფო კლუბი კვლავ წინ გაიყვანა და რეალმა განმეორებითი მატჩის წინ მცირე უპირატესობა მოიპოვა.
ლონდონის არსენალმა პირველივე მატჩში ყველაფერი გადაწყვიტა, პსვ გასვლაზე 7-1 გაანადგურა და ფაქტობრივად გაინაღდა 1/4 ფინალის საგზური. მეთოფეების მხრიდან დუბლი ოდეგორმა გაიფორმა, ხოლო თითოჯერ მეტოქის კარი ტიმბერმა, ნვანერმა, მერინომ, ტროსარდმა და კალაფიორიმ აიღეს. მასპინძლებიდან კი პრესტიჟის გოლი ლანგმა გაიტანა.
გერმანიაში გამართული შეხვედრა ფრედ დასრულდა, სადაც დორტმუნდმა სიგნალ იდუნა პარკზე ლილს უმასპინძლა და უპირატესობის მოპოვება ვერ შეძლო. 22-ე წუთზე მასპინძლები ადეიემიმ დააწინაურა, თუმცა, 68-ე წუთზე ჰარალდსონმა წონასწორობა აღადგინა და საბოლოო ანგარიში, 1-1 დააფიქსირა.
