ჩემპიონთა ლიგის 1/4 ფინალში არსენალთან განცდილი მარცხის და ტურნირიდან გამოვარდნის შემდეგ, მადრიდის რეალის მთავარმა მწვრთნელმა, კარლო ანჩელოტიმ კომენტარი გააკეთა და აღნიშნა, რომ მეტოქემ გამარჯვება დაიმსახურა.
"გუნდმა ყველაფერი გააკეთა მოედანზე, თუმცა, არაფერი გამოგვივიდა, არსენალმა კი გამარჯვება დაიმსახურა. ფეხბურთს ორი მხარე აქვს: ბედნიერი, რაც ბოლო წლებში არაერთხელ გამოვცადეთ და სევდიანი, რომელსაც ახლა გამოვცდით. სეზონი ჯერ არ დასრულებულა და ლა ლიგა, კოპა დელ რეი და საკლუბო ჩემპიონატი წინ არის. ჩემი მომავალი? არ ვიცი და არც მინდა, რომ ვიცოდე."
"ვიქნები თუ არა რეალის მთავარი მწვრთნელი მსოფლიოს საკლუბო ჩემპიონატზე? ახლა ამაზე ვერ ვისაუბრებ. თუ კლუბი გადაწყვეტს, რომ ცვლილებებია საჭირო, პრობლემა არ მექნება და მადლობას გადავიხდი გასული წლებისთვის"
ლონდონის არსენალმა სამეფო კლუბი ორმატჩიან დუელში 5-1 დაამარცხა და 16 წლის შემდეგ პირველად ჩემპიონთა ლიგის 1/2 ფინალის საგზური მოიპოვა, სადაც ხვიჩა კვარაცხელიას პსჟ-ს დაუპირისპირდება.
