ლუკას მოურამ გაიხსენა მარკინიოს კორეას პირველი დღეები პარის სენ-ჟერმენში. დღეს ის არის ჩემპიონთა ლიგის მოქმედი გამარჯვებული გუნდის კაპიტანი, მაგრამ იყო დრო, როცა ბრაზილიელ უკანახაზელს ჰქონდა ადაპტაციასთან დაკავშირებული პრობლემები და ამაში წვლილი სან პაულოს ვინგერსაც მიუძღვის.
"პარის სენ-ჟერმენში გადასვლის მომენტისთვის მარკინიოსმა არ იცოდა ფრანგული ენა და ადაპტაციაში მას მე ვეხმარებოდი. ერთ დღეს გადავწყვიტე გახუმრება - ბლანი ითხოვდა ბურთთან მაქსიმუმ ორ შეხებას, მე კი კორეას ვუთარგმნიდი: ითამაშე მხოლოდ მარცხენა ფეხით და ნებისმიერ სიტუაციაში კარში დაარტყი.
პსჟ-ს ამჟამინდელი კაპიტანი დარჩა გაკვირვებული, მთელი გუნდი კი უბრალოდ გაგიჟდა, კინაღამ სცემეს. როდესაც მან გაიგო სიმართლე, დაიწყო ფრანგულის სწავლა, რაც შეიძლება სწრაფად, რადგან ჩემი აღარ სჯეროდა", - იხსენებს ბრაზილიელი ვინგერი.
