ცნობილია ბორჯღალოსნების გაფართოებული შემადგენლობა

ბორჯღალოსნების სამწვრთნელო შტაბმა, ივლისში გასამართი მსოფლიო რაგბის ერთა თასის სამი შეხვედრისთვის გაფართოებული, 40-კაციანი შემადგენლობა დაასახელა.

ბორჯღალოსნების მთავარი მწვრთნელის რანგში, ფრანგი პიერ-ანრი ბრონკანის დებიუტი 4 ივლისს მონტევიდეოში, მასპინძელ ურუგვაისთან შედგება; 11 ივლისს ჩილეში, ვინა დელ მარიში სამოას ვეთამაშებით; სამხრეთ ამერიკულ ტურნეს კი 18 ივლისს ლა სერენაში, მასპინძელ ჩილესთან მატჩით დავასრულებთ.

ბრონკანის პირველ რაზმში 24 მორკინალი და 16 ხაზის მოთამაშეა. გუნდს უბრუნდებიან გამოცდილი ბორჯღალოსნები: ბურჯი გურამ გოგიჩაშვილი, მეორეხაზელი კოტე მიქაუტაძე და მესამეხაზელი ოთარ გიორგაძე.

გაფართოებულ შემადგენლობაში ექვსი პოტენციური დებიუტანტია: ფრანგული ნაციონალ 1-დან საბა ფესვიანიძე, პრო დე2-ის 'ნევერის' მესამეხაზელი რატი ზაზაძე, ‘შავი ლომის’ მესამეხაზელი გიორგი სინაურიძე, თბილისის ‘წიქარას’ მგეზავი დავით იმნაძე, რუმინული ‘ტიმიშუარას’ ცენტრი ხვიჩა ჯგერენაია და ‘შავი ლომის’ ფრთა რომა მახათაძე.

ბორჯღალოსნების გაფართოებული შემადგენლობა 2026 წლის ზაფხულის მსოფლიო რაგბი ერთა თასის მატჩებისთვის

შენიშვნა:პირველად წერია კლუბი რომელშიც მოთამაშე ამჟამად თამაშობს, მეორედ - აღმზრდელი კლუბი

პირველი ხაზი:გიორგი ახალაძე (კლერმონი, ბაღდათის ‘დათვები’), გურამ გოგიჩაშვილი (რასინგ 92, ხაშურის ‘ლეგიონი’), ნიკა აბულაძე (მონპელიე, ბოლნისის ‘ყოჩები’), ნიკოლოზ სუთიძე (ლა როშელი, თბილისის ‘ლელო’), ლუკა პეტრიაშვილი (ნევერი, თბილისის ‘ხვამლი’), ვახტანგ ჯინჭარაძე (შავი ლომი, ჩოხატაურის ‘ღონე’), ალექსანდრე ქუნთელია (ლა როშელი, თბილისის ‘ლელო’), ბაჩუკი ჭუმბაძე (ექსეთერი, თბილისის ‘ხულიგანა’), გიორგი პერტაია (გრენობლი, თბილისის ‘ლელო’);

მეორე ხაზი:ლადო ჩაჩანიძე (მონ დე მარსანი, თბილისის ‘ლელო’), მიხეილ ბაბუნაშვილი (შავი ლომი, ქუთაისის ‘აია’), კოტე მიქაუტაძე (ბრივი, მარნეულის ‘არმაზი’), გიორგი ჯავახია (ტულონი, ფოთის ‘კოლხი რაინდები’), საბა ფესვიანიძე (ბურგუენი, თბილისის ‘აკადემია’), თემურ წულუკიძე (ოიონა, კიკეთის ‘იუნკერები’);

მესამე ხაზი:ლუკა ივანიშვილი (ბრისტოლი, თბილისის ‘წიქარა’), ილია სპანდერაშვილი (ვალანსი, თბილისის ‘არმია’), თორნიკე ჯალაღონია (პროვანსი, თბილისის ‘ხულიგანა’), იოანე იაშაღაშვილი (მონ დე მარსანი, კიკეთის ‘იუნკერები’), რატი ზაზაძე (ნევერი, მარნეულის ‘არმაზი’), ბექა შვანგირაძე (ლიონი, ქუთაისის ‘აია’), ანდრო დვალი (პერპინიანი, თბილისის ‘ლელო’), ოთარ გიორგაძე (შავი ლომი, ქუთაისის ‘აია’), გიორგი სინაურიძე (შავი ლომი, ქუთაისის ‘აია’);

ჰავბეკი:ვასილ ლობჟანიძე (ოიონა, მარნეულის ‘არმაზი’), მიხეილ ალანია (ვანი, თბილისის ‘ჩოხოსნები’), თენგიზ პერანიძე (შავი ლომი, მარნეულის ‘არმაზი’);

მგეზავი:თედო აბჟანდაძე (ორიაკი, ქუთაისის ‘აია’), ლუკა მატკავა (ოიონა, ფოთის ‘კოლხი რაინდები’), დავით იმნაძე (წიქარა, კიკეთის ‘იუნკერები’);

ცენტრი:გიორგი კვესელაძე (შავი ლომი, კიკეთის ‘იუნკერები’), გიორგი შველიძე (ბრივი, ‘მონტბეტონი’ საფრანგეთი), თორნიკე კახოიძე (შავი ლომი, თბილისის ‘ლელო’), გიორგი ხაინდრავა (ბორდო, თბილისის ‘ლელო’), ხვიჩა ჯგერენაია (ტიმიშუარა, ‘კრედო 63’ უკრაინა);

ფრთა:აკაკი ტაბუცაძე (შავი ლომი, თბილისის ‘ლელო’), რომა მახათაძე (შავი ლომი, ბოლნისის ‘ყოჩები’), შალვა აფციაური (შავი ლომი, თბილისის ‘ლელო’);

ფულბეკი:დავით ნინიაშვილი (ლა როშელი, თბილისის ‘ხვამლი’), ლუკა ცირეკიძე (შავი ლომი, თბილისის ‘ლელო’).