სანამ ეროვნული ლიგა თითქმის 2 თვიან პაუზაზე გავა, დღეს მე-19 ტურის შეხვედრები გაიმართება. მატჩები დიდ ინტერესს იწვევს.
ტური გორის დილასა და რუსთავის მატჩით გაიხსნება. რუსთავი საოცარ სვლაზეა და სეზონის პირველი ნახევრის ჩემპიონი გახდა. წინა ტურში მათ ჩემპიონი იბერია დაამარცხეს და ცხრილს სათავეში ჩაუდგნენ. გორში კი ცვლილებებია - გუნდს ახალი მწვრთნელი ჰყავს, რომელიც დღეს სადებიუტო მატჩს ჩაატარებს.
საინტერესო იქნება ქუთაისში გასამართი მატჩი, სადაც ტორპედო სპაერს უმასპინძლებს და ზედიზედ სამმატჩიაბი წაგებათა სერიის დასრულებას შეეცდება.
უკვე ხვალ, საქმეში მოქმედი ჩემპიონი იბერია ერთვება, რომელიც შინ აუტსაიდერ მეშახტეს დაუპირისპირდება და ლიდერობის დაბრუნებას შეეცდება.
გამორჩეული მატჩი დინამოებს შორის შედგება - თბილისი ბათუმის წინააღმდეგ. მოგეხსენებათ, ეს გუნდები ერთმანეთის უშუალო კონკურენტები არიან და სხვაობა მხოლოდ ერთი ქულაა.
ტური გაგრასა და სამგურალის დაპირისპირებით დაიხურება, რის შემდეგაც ეროვნული ლიგა შესვენებაზე აგვისტომდე გავა.
ეროვნული ლიგა - მე-19 ტური
22 ივნისი
19:00 დილა - რუსთავი (თენგიზ ბურჯანაძე, გორი)
21:00 ტორპედო - სპაერი (რამაზ შენგელია, ქუთაისი)
23 ივნისი
19:00 იბერია - მეშახტე (მიხეილ მესხი, თბილისი)
21:00 დინამო თბილისი - დინამო ბათუმი (დავით პეტრიაშვილი, თბილისი)
24 ივნისი
20:00 გაგრა - სამგურალი (დავით პეტრიაშვილი, თბილისი)
