ფეხბურთის გულშემატკივრები აგრძელებენ ლიონელ მესისა და კრიშტიანუ რონალდუს შედეგების შედარებას. ამჯერად აქტუალურია თემაა, თუ რომელმა მათგანმა გაიტანა უფრო მეტი გამარჯვების მომტანი ბურთი პრიმერა დივიზიონში. პირველ ადგილზე ამ კომპონენტში არის არგენტინელი ფლეიმეიქერი, რომელმაც 124 "3-ქულიანი" გოლი გაიტანა.
ბარსელონას ყველა დროის საუკეთესო ბომბარდირის შემდეგ მოდის სწორედ პორტუგალიელი თავდამსხმელი, რომლის ანგარიშზე 88 ბურთია. ერთი შეხედვით, ყველაფერი გასაგებია და მოგებული არის კატალონიელთა ყოფილი 10-იანი, მაგრამ პროცენტული მაჩვენებელი რომ ავიღოთ, პირველ პოზიციაზე, ამ შემთხვევაში, მადრიდის რეალის ყველა დროის საუკეთესო გოლეადორი გადადის.
თავად განსაჯეთ - "სამეფო კლუბის" ყოფილ შვიდიანს ლა ლიგაში გატანილი აქვს 311 გოლი, გამარჯვების მომტანი აქედან არის 88, რაც ნიშნავს იმას, რომ გამარჯვების მომტანი ბურთების პროცენტული მაჩვენებელი გოლების საერთო რაოდენობის 30.1%-ს შეადგენს. "ლა პულგას" ანგარიშზე პრიმერა დივიზიონში 124 ბურთია, საერთო ჯამში კი - 474.
პროცენტული მაჩვენებელი 23.8-ს უდრის. ასევე, გასათვალისწინებელია ის ფაქტი, რომ 39 წლის თავდამსხმელს ლა ლიგაში თავის მარადიულ მოწინააღმდეგეზე ნაკლები მატჩი აქვს ჩატარებული. რონალდუმ პრიმერა დივიზიონში ითამაშა 292 მატჩი, მაშინ, როდესაც 37 წლის ფლეიმეიქერმა თითქმის 2-ჯერ მეტი - 520.
