საქართველოს ათლეტიზმის ნაკრებმა წოლჭიმის ევროპის ჩემპიონატზე ასპარეზობა 26 მედლით დაასრულა
ლიეტუვის ქალაქ დრუსკინკაში წოლჭიმის ევროპის ჩემპიონატი მიმდინარეობს. კონტინენტის პირველობაზე ასპარეზობა ქართველმა ათლეტებმა 26 - 11 ოქროს, 7 ვერცხლისა და 8 ბრინჯაოს - მედლით დაასრულეს.
გოგონებმა ოთხი - ორი ვერცხლისა და ორი ბრინჯაოს - მედალი მოიპოვეს და გუნდური მეორე ადგილი დაიკავეს.
ბარბარე კვიციანმა (47 კგ) 27,5 კგ დაძლია და ვიცე-ჩემპიონი გახდა, ასევე ვიცე-ჩემპიონი გახდა ნინი მარუაშვილი (52 კგ), რომელმაც 67,5 კგ დაძლია, ლიზი ლეკიშვილმა (63 კგ) დაძლეული 57,5 კგ-ით ბრინჯაოს მედალი მოიპოვა, ბრინჯაოს მედლის მფლობელი გახდა სალომე მამისაშვილიც (69 კგ), მან 80 კგ ასწია.
ჭაბუკებმა კი ცხრა - სამი ოქროს, სამი ვერცხლისა და სამი ბრინჯაოს - მედალი მოიპოვეს და გუნდური პირველი ადგილი დაიკავეს.
ოქროს მედლის მფლობელი გახდა საბა გოგიჩაიშვილი (66 კგ) დაძლეული 152,5 კგ-ით, ასევე ოქროს მედალი მოიპოვა გოდერძი ქარცივაძემ (74 კგ), რომელმაც 182,5 კგ დაძლია და რეკორდი დაამყარა, ჩემპიონობა იზეიმა მერაბ სამხარაძემაც (+120 კგ), რომელმაც 205 კგ ასწია. ვერცხლის მედალი მოიპოვა საბა ბოჭორიშვილმა (74 კგ), მან 152,5 კგ დაძლია, თორნიკე მარტიაშვილი (120 კგ) დაძლეული 165 კგ-ით ვიცე-ჩემპიონი გახდა, ასევე ვიცე-ჩემპიონი გახდა საბა კუპრაძეც (+120 კგ), რომელმაც 175 კგ ასწია. ბრინჯაოს პრიზიორი გახდა ილია კიკვილაშვილი (53 კგ), მან 87,5 კგ დაძლია, გიორგი წიკლაურმაც (58 კგ) დაძლეული 112,5 კგ-ით ბრინჯაოს მედალი მოიპოვა, ასევე ბრინჯაოს მედლის მფლობელი გახდა დიმიტრი ჯუღელი (83 კგ), რომელმაც 162,5 კგ ასწია.
ახალგაზრდულმა ნაკრებმა მოპოვებული ხუთი - სამი ოქროს, ერთი ვერცხლისა და ერთი ბრინჯაოს - მედლით გუნდური პირველი ადგილი დაიკავა.
ჩემპიონობა იზეიმა ანდრია მიქაუტაძემ (53 კგ), რომელმაც 95 კგ დაძლია, ასევე ჩემპიონობა იზეიმა გიორგი გელაშვილმა (59 კგ), მან 157,5 კგ ასწია, ოქროს მედალი მოიპოვა ალეკო სიდანოვმაც (66 კგ), მან 177,5 კგ დაძლია, ვიცე-ჩემპიონი გახდა საბა გიორგაძე (120 კგ), რომელმაც 207,5 კგ ასწია, ბრინჯაოს პრიზიორი კი დაძლეული 155 კგ-ით ამირან აბრამიშვილი (66 კგ) გახდა.
უფროსებს შორის გოგონებმა ღია კატეგორიაში ორი - ერთი ოქროსა და ერთი ბრინჯაოს - მედლით მესამე გუნდური ადგილი დაიკავეს. ჩემპიონობა დაძლეული 120 კგ-ით სოფიკო კვანჭიანმა (63 კგ) იზეიმა, ბრინჯაოს მედალი კი მარი ბეგლარიშვილმა (47 კგ) მოიპოვა, რომელმაც 77,5 კგ ასწია.
უფროსებს შორის ღია კატეგორიაში ბიჭებმა ოთხი - ორი ოქროს, ერთი ვერცხლის, ერთი ბრინჯაოს - მედალი მოიპოვეს და გუნდური პირველი ადგილი დაიკავეს.
ჩემპიონობა იზეიმა ჯაბა სეფიაშვილმა (59 კგ) დაძლეული 180,5 კგ-ით, ჯაბამ აღნიშნული დაძლეული კილოგრამით მოხსნა 7 რეკორდი როგორც ახალგაზრდებს, ისე უფროსებს შორის. ჩემპიონობა იზეიმა ცოტნე ბეჟაშვილმაც (66 კგ), რომელმაც 170 კგ ასწია,
ვიცე-ჩემპიონი გახდა გენადი ოტიაშვილი (74 კგ), რომელმაც 185 კგ დაძლია, ბრინჯაოს მედლალი კი ლევან მთიულიშვილმა (105 კგ) მოიპოვა, რომელმაც 222,5 კგ ასწია.
ვეტერანებს შორის M1 40-50 წლამდე კატეგორიაში ქართველმა ათლეტებმა ორი ოქროს მედალი მოიპოვეს და გუნდური მეორე ადგილი დაიკავეს.
ჩემპიონობა იზეიმა გიორგი ბეჟაშვილმა (66 კგ), რომელმაც 145 კგ დაძლია, ასევე ჩემპიონობა იზეიმა ლევან გილიგაშვილმა (83 კგ), რომელმაც 185 კგ. დაძლია.
