შოთა არველაძემ საქართველოსა და თურქეთის ნაკრებების დაპირისპირების შესახებ ისაუბრა. შეგახსენებთ, რომ აღნიშნული შეხვედრა გაიმართება ხვალ, 18 ივნისს, 20:00 საათზე. ყოფილი ქართველი ფორვარდი კარგად იცნობს თურქულ ფეხბურთს, ის ამ ქვეყანაში მოღვაწეობდა, როგორც მოთამაშე და როგორც მწვრთნელი.
"როდესაც თურქეთის ნაკრების დღეა, მათი შეჩერება არავის შეუძლია, თუმცა პრობლემების წარმოქმნის შემთხვევაში, ისინი აჩენენ სუსტ წერტილებს, რაც შესაძლოა საქართველოს ეროვნული გუნდისთვის უპირატესობა იყოს. ჩვენი ნაკრები? - გვყავს რამდენიმე მოთამაშე, რომელიც ევროპის წამყვან ლიგაში თამაშობს.
12-15 წლის წინ, ამას ვერც წარმოვიდგენდით. მამარდაშვილი მსოფლიოს ერთ-ერთი საუკეთესო მეკარეა, რომლის სატრანსფერო ღირებულება 40 მილიონი ევროა. რა თქმა უნდა, კვარაცხელიაც, რომელსაც მატჩის ბედის გადაწყვეტა მარტოს შეუძლია. ის გახდა სერია ა-ს 2022/23 წლების სეზონის საუკეთესო მოთამაშე, შემდეგ კი ოქროს ბურთის 20-ეულში მოხვდა", - განაცხადა საქართველოს ეროვნული გუნდის ყოფილმა ფორვარდმა.