ბარსელონას ცენტრალურმა მცველმა, პაუ კუბარსიმ თავისი მშობლიური გუნდის საუკეთესო თერთმეტეული შეადგინა. ამის გარდა, ახალგაზრდა უკანახაზელმა თავის საუკეთესო მოთამაშედ ლეო მესი დაასახელა. რაც შეეხება ესპანელი მცველის სიმბოლურ გუნდს, ის "ბლაუგრანას" რამდენიმე ეპოქას მოიცავს.
კატალონიელების ცენტრალური მცველის არჩევანი ასეთია - ვიქტორ ვალდესი, რონალდ კუმანი, კარლეს პუიოლი, ჟერარდ პიკე, სერხიო ბუსკეტსი, ჩავი ერნანდესი, ანდრეს ინიესტა, იოჰან კრუიფი, ლეო მესი, რონალდინიო გაუჩო, რონალდო ნაზარიო.
აღსანიშნავია, რომ "ლურჯ-ბროწეულისფრების" გულშემატკივრები თავიანთი გუნდის მეორე ნომრის არჩევანით უკმაყოფილოები დარჩნენ. ქომაგების უმეტესობამ 17 წლის უკანახაზელს ურჩია ბრაზილიელი ფორვარდის ლუის სუარესით ჩანაცვლება, ასევე გუნდში დანი ალვეშისა და მარკ-ანდრე ტერ შტეგენის შეყვანა.
