ანა დამოუკიდებელი საქართველოს ისტორიაში ასაკით ყველაზე პატარა ოლიმპიელია.
ახალგაზრდა მოცურავემ რამდენიმე დღის წინ ქუთაისში გამართულ საქართველოს ზაფხულის ჩემპიონატზე, საქართველოს ახალი რეკორდი დაამყარა. 100 მეტრზე ზურგით გაცურვაში (01:06,53), საქართველოს ყველა დროის ქალ მოცურავე რეკორდსმენთა შორის (6 ინდივიდუალური + 1 გუნდური რეკორდით) მეორე ადგილზე გადაინაცვლა და ამ შედეგით მხოლოდ მოცურავე ირინა გერასიმოვას ჩამორჩება, რომელიც (7 ინდივიდუალური + 2 გუნდური რეკორდის) მფლობელია.
ანა ნიჟარაძემ შარშან ევროპის ახალგაზრდული ოლიმპიური ფესტივალის ფინალში იასპარეზა. მან საკვალიფიკაციო გაცურვაში ნაჩვენები შედეგი(1:03.28) ნახევარფინალში გააუმჯობესა და საქართველოს ახალი რეკორდი დაამყარა 1:02.57.
15 წლის გოგოს გზა ოლიმპიადამდე და პარიზული მოლოდინი, - ამ თემების შესახებ ანამ LaGazzetta.ge-სთან ინტერვიუში ისაუბრა:
- რას ნიშნავს იყო ოლიმპიელი?
- ძალიან დიდი ემოცია ეს ყველაფერი, თითქმის მთელმა საქართველომ გამიცნო. აქამდეც ხშირად უთქვამთ მწვრთნელებს, რომ მე მქონდა პოტენციალი ოლიმპიურ თამაშებზე მეასპარეზა, ბევრს ვშრომობდი და ვცდილობდი სასურველი შედეგი დამეფიქსირებინა. ძალიან გახარებული და ძალიან ბედნიერი ვარ, ვგრძნობ როგორ მგულშემატკივრობს მთელი საქართველო.
- ცურვაზე როდის შეხვედი?
- 7-8 წლის ვიყავი, როცა მშობლებმა ცურვაზე შემიყვანეს, თუმცა მაშინ პროფესიულ კარიერაზე არ ფიქრობდნენ, ჯანსაღი ცხოვრების წესის გამო შემიყვანეს, მწვრთნელებმა დაინახეს პოტენციალი, მეც ძალიან მომწონდა ცურვა, გავაგრძელე ვარჯიში და ასე გავხდი პროფესიონალი მოცურავე.
- რამდენად არის საქართველოში შესაბამისი პირობები მოცურავის განვითარებისთვის?
- მაღალი განვითარების მქონე ქვეყნებს პირობებით ვერ შევედრებით, მაგრამ ამ დროისთვის ნორმალური პირობები გვაქვს, შეკრებებს გავდივართ ხოლმე.
- 15 წლის, ყველაზე პატარა ოლიმპიელი ხარ საქართველოდან...
- ჯერ კიდევ ვერ ვიჯერებ რომ ამ დონემდე მოვედი და ეს ყველაფერი რეალობაა, რადგან 1 წლის წინ ვერც კი წარმოვიდგენდი რომ მე მსოფლიოს ჩემპიონატზე გავიდოდი და შემდეგ ოლიმპიადაზეც, თან ამ ასაკში. ბავშვობიდან ჩემი ოცნება იყო ოლიმპიადაზე ასპარეზობა.
- რა იქნება მთავარი მიზანი ოლიმპიადაზე?
- რეალურად რომ შევაფასოთ, ოლიმპიადაზე მსოფლიოს საუკეთესო მოცურავეები გამოდიან, რეკორდსმენები, ოლიმპიური, მსოფლიოსა და ევროპის ჩემპიონები, მათ დიდი გამოცდილება აქვთ, ამიტომ მედლის მოპოვებაზე საუბარი რთულია, თუმცა მე რა თმა უნდა, ბოლომდე დავიხარჯები და ვეცდები ჩემი შესაძლებლობების მაქსიმუმი გამოვავლინო.
- რა არის მთავარი სურვილი, რასაც გინდა რომ მოაღწიო?
- მინდა კიდევ უფრო მეტი ვივარჯიშო, ვიშრომო, მეტი დრო დავუთმო ცურვას და უკვე შემდეგ ოლიმპიადაზე უფრო გაზრდილი და მეტად კონკურენტუნარიანი დავბრუნდე. ჩემი მიზანია ოლიმპიური ჩემპიონობა, ასევე მსურს, მსოფლიოს ჩემპიონი გავხდე და საქართველოს ოქროს მედლები მოვუტანო.
- მაღალი განვითარების მქონე ქვეყნებს პირობებით ვერ შევედრებით, მაგრამ ამ დროისთვის ნორმალური პირობები გვაქვს, შეკრებებს გავდივართ ხოლმე.
- 15 წლის, ყველაზე პატარა ოლიმპიელი ხარ საქართველოდან...
- ჯერ კიდევ ვერ ვიჯერებ რომ ამ დონემდე მოვედი და ეს ყველაფერი რეალობაა, რადგან 1 წლის წინ ვერც კი წარმოვიდგენდი რომ მე მსოფლიოს ჩემპიონატზე გავიდოდი და შემდეგ ოლიმპიადაზეც, თან ამ ასაკში. ბავშვობიდან ჩემი ოცნება იყო ოლიმპიადაზე ასპარეზობა.
- რა იქნება მთავარი მიზანი ოლიმპიადაზე?
- რეალურად რომ შევაფასოთ, ოლიმპიადაზე მსოფლიოს საუკეთესო მოცურავეები გამოდიან, რეკორდსმენები, ოლიმპიური, მსოფლიოსა და ევროპის ჩემპიონები, მათ დიდი გამოცდილება აქვთ, ამიტომ მედლის მოპოვებაზე საუბარი რთულია, თუმცა მე რა თმა უნდა, ბოლომდე დავიხარჯები და ვეცდები ჩემი შესაძლებლობების მაქსიმუმი გამოვავლინო.
- რა არის მთავარი სურვილი, რასაც გინდა რომ მოაღწიო?
- მინდა კიდევ უფრო მეტი ვივარჯიშო, ვიშრომო, მეტი დრო დავუთმო ცურვას და უკვე შემდეგ ოლიმპიადაზე უფრო გაზრდილი და მეტად კონკურენტუნარიანი დავბრუნდე. ჩემი მიზანია ოლიმპიური ჩემპიონობა, ასევე მსურს, მსოფლიოს ჩემპიონი გავხდე და საქართველოს ოქროს მედლები მოვუტანო.
XXXIII ოლიმპიური თამაშები პარიზში ოფიციალურად 26 ივლისს გაიხსნება და 11 აგვისტოს დასრულდება.
