დღეს, ჩემპიონთა ლიგის მეოთხედფინალის განმეორებითი მატჩის ფარგლებში პარის სენ-ჟერმენი სტუმრად ბირმინგემის ასტონ ვილას დაუპირისპირდება. შეგახსენებთ, რომ პირველ შეხვედრაში პსჟ-მ "ვილანებს" 3:1 მოუგო. როგორც ვხედავთ, დედაქალაქური კლუბი ინგლისში სოლიდური უპირატესობით ჩავიდა.
"ლომების" ბარიერის გადალახვის შემთხვევაში, პარიზი პირველად თავის ისტორიაში ჩემპიონთა ლიგის ნახევარფინალში ზედიზედ მეორედ ითამაშებს. შეგახსენებთ, რომ "ლურჯ-წითლებმა" გასულ სეზონის 1/4 ფინალში მოუგეს ბარსელონას, შემდეგ კი დორტმუნდის ბორუსიასთან წააგეს.
როგორც მიმდინარე სეზონში, ისე შარშანაც, პარკ დე პრენსის ბინადრების წარმატების მთავარი შემოქმედი არის ლუის ენრიკე, რომელიც დედაქალაქურ კლუბთან ერთად, ზედიზედ მეორე 1/2 ფინალს უახლოვდება. აქვე დავამატებთ, რომ პარის სენ-ჟერმენის მეტოქე მადრიდის რეალსა და ლონდონის არსენალს შორის ერთ-ერთი იქნება.
