მანჩესტერ იუნაიტედის ყოფილმა კაპიტანმა, გარი ნევილმა ლივერპულის ტრანსფერები გააკრიტიკა. ვეტერანი ფეხბურთელის თქმით, მერსისაიდელთა ახალწვეული მოთამაშეებიდან გაამართლა მხოლოდ ერთმა, უგო ეკიტიკემ.
"სეზონის დაწყების წინ, ლივერპულს ვაყენებდით პირველ ან მეორე ადგილზე. მათ უნდოდათ, რომ სალაჰს ჰქონოდა შარშანდელის მსგავსი სეზონი, ფრიმპონგს შეეცვალა ტრენტი, კერკეზს კი რობერტსონი. ისაკსა და ეკიტიკეს გაეტანათ 60 ბურთი, ვირცს კი საუკეთესო თამაში ეჩვენებინა.
გეგმისა და მოლოდინის მიხედვით არაფერმა იმუშავა, პლიუს ტრავმები. სელექციამ არ გაამართლა და ახალწვეულებიდან მხოლოდ უგოს გამორჩევა შეიძლება. "წითლებს" როგორც კლუბში, ისე სატრანსფერო ბაზარზეც კვლავ ბევრი სამუშაო აქვთ", - განაცხადა ინგლისელმა ყოფილმა უკანახაზელმა.
