სანამ ყველას ყურადღება მსოფლიო ჩემპიონატისკენაა მიმართული, პსჟ ახალი სეზონისთვის მზადებას იწყებს და ამხანაგური მატჩები დაგეგმა.
პარიზული კლუბი შეკრებას ივლისის ბოლოს დაიწყებს, ამხანაგურ მატჩს კი ჯერ 5 აგვისტოს მალიორკას, შემდეგ კი 8 აგვისტოს მანჩესტერ იუნაიტედის წინააღმდეგ გამართავს.
პირველ ოფიციალურ შეხვედრას პსჟ 12 აგვისტოს, უეფას სუპერთასის ფინალში, ასტონ ვილას წინააღმდეგ ჩაატარებს.
თუ გასულ წელს, მსოფლიოს საკლუბო ჩემპიონატის და გადატვირთული გრაფიკის გამო, პსჟ-ს სუპერთასისთვის მოსამზადებლად დრო არ ჰქონდა, ახლა პირიქით იქნება და გუნდი მინიმუმ 2 ამხანაგური მატჩის ჩატარებას მოასწრებს.
მოგეხსენებათ, მსოფლიო ჩემპიონატზე პსჟ-ს უმეტესი ფეხბურთელი ასპარეზობს და სეზონის დაწყებამდე დასვენების საშუალება მათაც ექნებათ.
