მსოფლიო ჩემპიონატის კიდევ ორი მატჩი დასრულდა. გულშემატკივრებმა A ჯგუფის საინტერესო დაპირისპირებები იხილეს, სადაც მექსიკამ და სამხრეთ აფრიკამ მნიშვნელოვანი გამარჯვებები მოიპოვეს.
მიუხედავად იმისა, რომ მექსიკას პლეი-ოფის საგზური უკვე განაღდებული ჰქონდა, ტურნირის ერთ-ერთმა მასპინძელმა კიდევ ერთი შთამბეჭდავი მატჩი ჩაატარა და ჩეხეთი უშანსოდ, ანგარიშით 3-0 დაამარცხა.
ჩეხეთი 0-3 მექსიკა
გოლები: 0-1 მატეო ჩავეს გარსია 55', 0-2 ხულიან კინიონესი 61', 0-3 ალვარო ფიდალგო 90+4'.
მეორე მატჩში კი დიდი სენსაცია დაფიქსირდა — მიუხედავად იმისა, რომ ფავორიტად სამხრეთ კორეა მიიჩნეოდა, სამხრეთ აფრიკამ ისტორია დაწერა და პირველად შეძლო ჯგუფური ეტაპის დაძლევა.
გულშემატკივრებმა დაძაბული და სანახაობრივი შეხვედრა იხილეს, რომლის ბედი თაპელო მასეკოს მიერ გატანილმა ისტორიულმა გოლმა გადაწყვიტა. საბოლოო ჯამში, სამხრეთ აფრიკამ მინიმალური ანგარიშით იმარჯვა და დამსახურებულად მოიპოვა მომდევნო ეტაპის საგზური.
სამხრეთ აფრიკა 1/16 ფინალში კანადას დაუპირისპირდება.
სამხრეთ აფრიკა 1-0 სამხრეთ კორეა
გოლი: 1-0 თაპელო მასეკო 63'.
