მადრიდის რეალის პრეზიდენტმა ფლორენტინო პერესმა დღეს სპეციალური პრესკონფერენცია გამართა.
დასაწყისი
"რეალის და ჩემს წინააღმდეგ აბსურდული სიტუაცია შეიქმნა. ყოველთვის ვერ მოიგებ და როცა ვერ იგებ, ამ სიტუაციით სარგებლობენ, რათა თავს დამესხნენ. „სად არის ფლორენტინო?“ ზოგი ამბობს, რომ ავად ვარ, რომ კიბო მაქვს. მინდა, ეს შესაძლებლობა გამოვიყენო და მადლობა გადავუხადო იმ ადამიანებს, რომლებიც ჩემზე ღელავენ. მე ჯერ კიდევ კლუბის პრეზიდენტი ვარ, რომლის წლიური ბრუნვა 50 მილიარდია. ჩემი ჯანმრთელობა იდეალურია."
რეალის მიღწევებზე
„რეალს ისტორიაში ყველაზე მეტი ტიტულის მქონე კლუბია. „ფორბსის“ მიხედვით, ყველაზე ღირებული კლუბი. ყველაზე ღირებული ბრენდი. რატომ სურთ ჟურნალისტებს, რომლებიც აკრიტიკებენ მსოფლიოში ყველაზე პრესტიჟულ კლუბს, რომელსაც ყველაზე მეტი გულშემატკივარი ჰყავს, ჩარევა? „Transfermarkt“-ის მიხედვით, ჩვენ ყველაზე მაღალი რეიტინგის მქონე გუნდი გვყავს."
კლუბში სიახლეებზე
"ჩემი წასვლა გინდათ? - კარგით, წავალ. დავნიშნავ არჩევნებს და თუ ვინმე ჩემზე მეტ ხმას მიიღებს, წავალ. ახალი მწვრთნელი ახალ სეზონში? - აქ ამაზე სასაუბროდ არ მოვსულვარ."
კრიტიკული კომენტარი
"ჩვენ ყოველთვის ვეკითხებით ლა ლიგას, რამდენ ფულს იხდიან ისინი რეალ მადრიდის კრიტიკისთვის. ბარსელონა ყოველთვის იღებს სარგებელს მსაჯებისგან... უეფა ჩაერევა ამ თემაში. არ შეიძლება კლუბი 20 წლის განმავლობაში კორუფციაში იყოს ეჭვმიტანილი. მე 7 ლა ლიგა მაქვს და 14 უნდა მქონდეს. 7-ჯერ გამძარცვეს.. ამ სეზონში ლა ლიგამ 18 ქულა წაგვართვა.”
ვალვერდე ჩუამენის ჩხუბზე
"ეს ძალიან ცუდი იყო, მაგრამ კიდევ უფრო უარესია, რომ ეს მედიაში გავრცელდა. მსგავსი რამ შეიძლება ყოველ წელს მოხდეს. უფრო დიდი ტრაგედია ინფორმაციის გაჟონვაა. ვალვერდე და ჩუამენი მეგობრები არიან."
